小兒眼瘡（眼挑針）會影響視力嗎？中醫師拆解成因、暖敷退腫法與忌口建議
- 明醫館 Yinyang-cmc
- 1天前
- 讀畢需時 2 分鐘
新年第一日開診，就有一位相熟的 3 歲小朋友由爸爸媽媽帶嚟明醫館（土瓜灣及美孚診所）睇眼瘡（即俗稱的「眼挑針」）。
唔使多講，一問之下就知道，又係新年期間飲食煎炸熱氣惹的禍！父母都好緊張，問我唔知會唔會影響視力？又怕會反覆發作，最終要麻醉捱一刀割瘡。其實父母唔使太擔心，今日醫師就同大家拆解一下眼瘡的成因與處理方法！
一、 眼瘡的成因：西醫與中醫點睇？
西醫角度：眼瘡的成因和暗瘡差不多。是眼瞼的毛囊皮脂堵塞，令毛囊發炎腫脹。一般不會很痛，但如果紅腫疼痛明顯，多數伴有細菌感染，內含膿疱。這一般不會影響視力，只是眼瘡腫大，或多或少會影響視覺。
中醫角度：眼瘡屬於肝脾積熱。中醫認為「肝開竅於目」，而眼瞼從經絡上屬於脾胃。飲食過於辛辣、煎炸、熱氣，是誘發小兒眼瘡的常見病因。加上小朋友經常「捽眼」，增加受感染的風險，也會加重病情。
二、 初起眼瘡點護理？暖敷加按摩促進消腫
醫治眼瘡其實並不太難。在初期時可以局部暖敷，再加上輕柔按摩，促進氣血循環，加快消腫排膿：
👉🏻 野菊花夏枯草暖敷法
方法：用野菊花、夏枯草煲水，放至溫熱後局部暖敷患處。
重點：每日至少暖敷 3–4 次，堅持一至 2 週，這樣初起的眼瘡才容易不藥而癒。
三、 家長把好關：堅決對「雞蛋仔」Say NO！
不過這位 3 歲小朋友錯過了初期暖敷的時機，所以當佢問起可否食雞蛋仔時，我只好堅決地 Say NO！其實種種會加重病情的因素，即使是一小塊餅乾、朱古力，作為父母的都要把好關，堅決拒絕。否則寶貝要捱刀割瘡，心痛的只有自己了。
四、 中醫治療與調理
中藥調理：處方一些調理脾胃的中藥，加上疏風清熱、散結明目的野菊花、夏枯草、蟬蛻等去治療。再配合飲食節制，勤洗手保持眼部清潔，眼瘡很快便會消失了。
特別提醒：如成人患眼瘡，配合針灸治療，療效會快好多架！
📍 明醫館 Yin-Yang TCM Center
主治服務：小兒中藥調理｜眼瘡及皮膚發炎｜健脾清熱｜針灸調理｜痛症正骨｜婦科內科
診所地址：
土瓜灣診所：九龍土瓜灣落山道19號地舖
美孚診所：九龍美孚新邨第三期平台82號舖、150-151號B2舖
預約電話：+852 2606 0008
WhatsApp 預約：https://wa.me/91538077
留言